Chakravyuha

.....

Dedicated To All Females

હું પહોર છું ગુલાબી,

હું રાત છું અંધીયારી,

હું બાર બપોર છું ને 

હું સમી સાંજ છું,   

પણ એ નથી ખબર કે કોની છું હું...  

નાનપણ ની ગમ્મત છું,  

યોવન ની કાયા છું, 

કેટલાક ને મન તો હું મોહ માયા છું,  પણ એ નથી ખબર કે કોની છુ હું...  

જીર્ણ થયેલી યાદ દાસ્ત છું,  

કોઈ પ્રેમી ની યાદ પણ છું,  

એના દુ:ખ માં બધા ને યાદ છું,  

મારા દુ:ખ માં જ બાદ છું,  

પણ એ નથી ખબર કે કોની છુ હું...   

માવતર માટે પારકી થાપણ છું,  સાસરામાં લક્ષ્મી છું, 

જનમ સમયે જલેબી ને વિદાય વેળા યે કરીયાવર છું, 

પણ એ નથી ખબર કે કોની છુ હું...   

હું રસોઈ ની રાણી છું, 

ને ઘર કામ મા શાણી છું,  

કોઈ પણ ઉંમરે સહેલી છું, 

ના સમજો તો પહેલી છું,  

પણ એ નથી ખબર કે કોની છુ હું...   

મજધારે અટકેલી નાવ છું, 

અને પેલે પાર ક્ષિતિજ છું,  

જીવાય ગઇ જે બીજા ના નામ પર હું એ જિંદગી છું,  

પણ એ નથી ખબર કે કોની છુ હું...   

સંબંધો માં હું સરહદ છું,  

તો સૌ ને જોડતો તાતણો છું,   

કોઈ ની અરધાંગીની છું,  

ને કોઇ નો ભુલાયેલો અંશ છું,  

પણ એ નથી ખબર કે કોની છુ હું... 

દુનિયા ની ભીડ મા એકલી છું,  

સમજે કોઇ તો મૈત્રી છું,  

સમાજ માં અબળા નારી 

અને રણે ચડુ તો રણચંડી છું,  

પણ એ નથી ખબર કે કોની છુ હું...   

હું દીકરી છું કોઈ ની તો સાથે બહેન પણ છું, 

હું પત્ની બની જાવ છું, 

ને  મા બની રહી જાવ છું,  

પણ એ નથી ખબર કે કોની છુ હું...   

 

આ દુનિયા યાદ કરાવતી રહે છે

 🌺*હું સ્ત્રી છું*

.....